_edited_edited.png)
WER MIÄR SIND
Miär sind Corinne und Daniela, 2 Schweschterä ursprünglich usem Kanton Üri. 2020 isch iis z Human Design zerschti mal begägnet.
Afänglich zögerlich, aber immer wieder het iis eppis zu Human Design gfiährt.
2022 hend miär beschlossä än Üsbildig bide Anja Hauer-Frey z machä, um z Wissä z vertiäfä. Im Jahr 2024 hend miär de nu zuäsätzlich än Kids-Üsbildig bide Stefanie Rumersdorfer absolviärt, um das ganzi Wissä speziell bide Chind azwändä 🎈
Das Wissä hend miär stets i iisernä eignigä Familiä und Fründeschreisä deffä beobachtä und gmerkt, wiä wärtvoll und zuäträffend das Ganzi isch.
Darum hend miär im 2025 beschlossä mit dem Wissä üsäzga, um anderi z‘ erreichä und de Familiäalltag dur Human Design z verstah und z‘erliächterä 🧡
Daniela | Jahrgang 1988 | Manifestor 2/4
MAG:
-
dr Wald
-
d Vögel
-
guäts Ässä
-
ds Allei- Si
-
Chips - i jeglicheä Variationä
-
und guätä Kaffee
MAG NIT:
-
Öffentlichi WC's
-
grossi Mänschämängenä
-
Erbsli
"Ich ha gmerkt, wiä wertvoll das ganzi Wissä isch. Und ich ha begriffä, dass jedes fu minnä Chind än anderi Energie i sich treit und darum ai anderi Bedürfniss het.
S Human Design het miär zäigt, dass ich als Mami besser funktioniärä cha, wenn ich i minner ursprünglichä Energie läbä und mini Bedürfnis beachtä. Und damit viel üsglichner bi und meh Energie ha.
Fir mich isch und bliibt Human Design än absolütä Gamechanger und ich chas wirklich jedem empfählä, wo sini Chind energieorientiert begläitä wett.“
Corinne | Jahrgang 1991 | projektor 2/4
MAG:
-
guäti Gspräch
-
Schoggi
-
Chochä & Bachä
-
Kaffee
MAG NIT:
-
Mäiächäfer
-
Senf
-
Duschbrausenä mit schwachem Wasserdruck
"Tagtäglich stossemer uf Situationä wo üsäfordernd sind, grad chli sträng oder äs bitzi meh Närvä brücht - dur z Wissä vum Human Design wäiss ich, was weles Familiämitglied brüücht, um entspannt wiedr üs derä Situation z gfindä. Klappt natiirli ai nid immer - aber so hend miär viel äs zfriedners Zämäläbä und chenet respäktvoll midänand umgah" 🧡
