_edited_edited.png)
WAS ISCH
HUMAN DESIGN?
Human Design isch wiä ä Art ä Landchartä, wo zäigt, wiä ä Mänsch vu Natur üs "gmeint" isch - mit all sinä Stärkenä, Bedürfniss und Äigähäitä.
Äs basiärt ufm Geburtsdatum, dr gnauä Uhrzit undm Geburtsort.
Det drüs entstaht äs persönlichs "Chart", das iis hilft z erchännä, wiä äs Chind wirklich tickt - ohni Bewärtigä oder Schubladädänkä.
Und grad bi Chind isch Human Design unglaublich wärtvoll. Äs zäigt iis:
💎 was äs Chind wirklich brücht, um sich sicher und wohl z fühlä
💎 wiä äs am beschtä lernt und Entscheidigä trifft
💎 warum äs sich villicht andersch verhaltet, als anderi - und warum das genai Richtig isch
Jedes Chind isch äinzigartig, und jedes het sini eignigä Bedürfniss, Stärchenä und Herüsäforderigä.
Mitmä Human Design Reading biätet miär Elterä d Möglichkäit, ds individuellä Potenzial vum Chind ds verstah unds i sinrä Entwicklig gezielt z förderä.
Human Design isch 1987 vum Robert Allen Krakauer (Ra Uru Hu) id Wält bracht wordä. Är hets gchannelet und nieder gschriebä.
Äs isch ä Vrbindig vu uraltä Weisheitä und nüschtä wissäschaftlichä Erkänntnis:
-
Astrologie
-
chinesisches I-Ging
-
Chakrälehr
-
jüdischi Kabbala
-
Neutrinos
-
Biologie
-
Genetik/Epigenetik
Äs isch äs Wärchzig zur Sälbstentwicklig. Äs zäigt dr energetisch Plan vumnä Mänsch. Mä cha Potenzial und Herüsäfordrigä üsläsä, sowiä ganz bsundrigi Fiinhäitä we dr Supersinn oder d Ernährig.
Wichtig; Human Design isch NIÄ irgend ä Üsred fr irgendwelchi Potential oder Charaktereigäschaftä - wedr bi diär nu bi dim Chind.💛
WOHÄR CHUNTS?
WIÄ WIRD ÄS CHART BERÄCHNET?
Fir ds sogenannti Chart wärdet verschiednigi astrologischi und energetischi Datä kombiniärt. Diä wichtigstä Grundlagä sind da drbi:
-
ds Geburtsdatum
-
d Geburtszit
-
dr Geburtsort
Anhand vu denä Informationä gits ä Bodygraph und anhand vu derä chamä sonä Art "Energie-Läsä", bi dem äs sehr individuells Bild entstaht, wiä mä energetisch "funktioniärt" und weli Herüsäfordrigä und Talänt diär mitgäh wordä sind 🕯️
_edited.png)